sobre min

Olaia Sendón Ogando

Chámome Olaia Sendón e teño 29 anos. Con 18 anos fun a Barcelona a estudar Comunicación Audiovisual na Universidade Autónoma e alí estiven ata o 2000. Ao voltar a Galiza estiven traballando como guionista e colaborando na organización da Fotobienal de Vigo ata que, no 2002, comecei a traballar como interina na escola de Arte Antonio Faílde de Ourense.Ese mesmo ano realicei os cursos de doutoramento e unha peza documental chamada Ramón Caamaño: Fotográfo Muxián que sería mostrada dentro dunha exposición organizada polo Cef e patrocinada por Caixanova sobre este mesmo fotógrafo.No ano 2004 gañei por oposición unha praza no IES Imaxe e Son na Coruña e alí sigo a traballar neste intre, realizando diversos proxectos didácticos como ´Tiff 2006´, un proxecto interactivo con escanogramas. Proxecto recoñecido recentemente cun terceiro premio a innovación educativa otorgado pola consellería de educación.Neste último ano gañei un premio na categoría de comunicación con “Vasos comunicantes“ dentro do certame curtas na rede e recentemente fun seleccionada dentro do Festival Curtocircuito 06.

Durante o ano 2006 realicei un documental titulado A casa de Lola de Andrés , subvencionado pola conselleria de Cultura e que actualmente se pode ver dentro do DOCLAB (cinemajove de Valencia) nunha selección feita por Adán Aliaga e Isaki Lacuesta, neste ano 2007 foi seleccionado para o Festival de Cine de Malaga, e presentado no CGAI da Coruña e o centro Caixanova de Vigo. O vindeiro día 14 se presentará cunha charla no Ateneu de Pontevedra e o 23 en Lira dentro das celebracións do día de San Xoan. En Setembro formou parte das películas seleccionadas no festival de Cine documental Alcances e  dous meses mais tarde do festival de cine independente de Ourense.